‘ପୁଷ୍ପା’ର ଏହି ତିନି ମିନିଟର ଗୀତ ପାଇଁ ସାମନ୍ଥା ନେଇଛନ୍ତି ୫କୋଟି ଟଙ୍କା

ନୂଆଦିଲ୍ଲୀ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ-ରଶ୍ମିକା ମନ୍ଦାନାଙ୍କ ଅଭିନୀତ ଫିଲ୍ମ ‘ପୁଷ୍ପା’ ଦେଖିବାକୁ ଦର୍ଶକ ମଧ୍ୟରେ କ୍ରେଜ ବଢ଼ିଛି। ଏମାନଙ୍କ ଯୋଡ଼ିକୁ ଦର୍ଶକ ବେଶ ପ୍ରଶଂସା ମଧ୍ୟ କରିଛନ୍ତି। ଡିସେମ୍ବର ୧୭ରେ ସିନେମାଟି ପ୍ରେକ୍ଷାଳୟରେ ମୁକ୍ତି ଲାଭ କରିଥିଲା। ଏହି ସିନେମାଟି ତାମିଲ, ତେଲୁଗୁ, କନ୍ନଡ ଓ ମାଲାୟାଲମ ଭାଷାରେ ଓଟିଟି ପ୍ଲାଟଫର୍ମରେ ଉପଲବ୍ଧ ଅଛି। ବର୍ତ୍ତମାନ ସୁଦ୍ଧା ବକ୍ସ ଅଫିସରେ ଏହା ୩୦୦ କୋଟିରୁ ଅଧିକ କମାଇ କରିସାରିଲାଣି ।

ଫିଲ୍ମର କାହାଣୀ ଓ ସଂଳାପ ସହିତ ଏଥିରେ ଥିବା ଗୀତଗୁଡିକୁ ମଧ୍ୟ ଚର୍ଚ୍ଚାକୁ ଆସିଛି। ଏହି ଫିଲ୍ମରେ ରହିଥିବା ଗୀତ ‘ଓ ଅନ୍ତାୱା’ ରେ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କ ଜବରଦସ୍ତ ଡ୍ୟାନ୍ସ ଦେଖିବାକୁ ମିଳିଥିଲା । ପ୍ରଥମ ଥର ପାଇଁ ଆଇଟମ୍‌ ଡ୍ୟାନ୍ସରେ ସାମନ୍ଥାଙ୍କୁ ଦେଖିବାକୁ ମିଳିଛି । ଏହି ଫିଲ୍ମଟି ବକ୍ସ ଅଫିସରେ ଧମାଲ୍ ମଚାଇଥିଲା। ତେବେ ୩ ମିନିଟର  ଏହି ଆଇଟମ୍ ଗୀତ ପାଇଁ ସାମନ୍ଥା କେତେ ଟଙ୍କା ନେଇଛନ୍ତି ତାହା ଆପଣ ଜାଣିଛନ୍ତି କି?

ଏକ ରିପୋର୍ଟରୁ ଜଣାପଡ଼ିଛି ସାମନ୍ଥା ଏହି ୩ ମିନିଟିର ଗୀତ ପାଇଁ ୫ କୋଟି ଟଙ୍କା ନେଇଛନ୍ତି । ଏହି ଆଇଟମ୍ ଗୀତଟିକୁ କେବଳ ଫ୍ୟାନ୍ସ ନୁହନ୍ତି, ସେଲିବ୍ରେଟିମାନେ ମଧ୍ୟ ବହୁତ ପସନ୍ଦ କରୁଥିବା ଦେଖାଯାଇଛି । ସାମନ୍ଥା ଉକ୍ତ ଗୀତରେ ଅଭିନୟ ପାଇଁ ପ୍ରଥମରୁ ଅନିଚ୍ଛୁକ ଥିଲେ,  କିନ୍ତୁ ପରେ ‘ଓ ଅନ୍ତାୱା’ ଗୀତ ପାଇଁ ହଁ ଭରିଥିଲେ।

The post ‘ପୁଷ୍ପା’ର ଏହି ତିନି ମିନିଟର ଗୀତ ପାଇଁ ସାମନ୍ଥା ନେଇଛନ୍ତି ୫କୋଟି ଟଙ୍କା first appeared on Sambad.

from ମନୋରଞ୍ଜନ | Sambad https://ift.tt/3qCyT1m