ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାନ ରାସ୍ତାରେ ଅଟୋ ଚଳାଉଥିବା ଦୃଶ୍ୟ ବହୁତ କମ ଦେଖିବାକୁ ମିଳିଥାଏ । ତେଣୁ ସେ ଯେତେବେଳେ ମୁମ୍ବାଇର ପାନଭେଲ ଅଞ୍ଚଳରେ ଓଟୋ ଚଲାଇଲେ,ସେହି ଭିଡିଓଟି ଭାଇରାଲ ହୋଇଯାଇଥିଲା । ସଲମାନ ପାନଭେଲ ଫାର୍ମହାଉସରେ ନିଜର ୫୬ତମ ଜନ୍ମଦିନ ପାଳନ କରିଥିଲେ । ଏବେ ସଲମାନ ଅଟୋ ଚଳାଉଥିବା ଭିଡିଓରେ ଦେଖିବାକୁ ମିଳିଛି । ସଲମାନ ଖାନଙ୍କୁ ଉତ୍ସର୍ଗ କରାଯାଇଥିବା ସଲମାନ ଖାନଙ୍କ ଫ୍ୟାନ ପେଜଗୁଡିକରେ ଦେଖିବାକୁ ମିଳିଛି ଏହି ଭିଡିଓ । ଏହି ଭିଡିଓରେ ସଲମାନ ଗୋଟିଏ ନୀଳ ଟି-ସାର୍ଟ ଓ ଗୋଟିଏ ଟୋପି ପିନ୍ଧି ରାସ୍ତାରେ ଅଟୋ ରିକ୍ସା ଚଳାଉଥିବାର ଦେଖିବାକୁ ମିଳିଛି ।
View this post on Instagram
ମିଡିଆ ରିପୋର୍ଟ ଅନୁସାରେ, କିଛିଦିନ ପୂର୍ବରୁ ସଲମାନଙ୍କୁ ପାନଭେଲରେ ଏକ ବିଷହୀନ ସାପ କାମୁଡି ଦେଇଥିଲା । ସଲମାନଙ୍କୁ ଅତିଶୀଘ୍ର ନେଭି ମୁମ୍ବାଇର ହସ୍ପିଟାଲରୁ ନିଆଯାଇଥିଲା,ପରେ ରବିବାର ସକାଳେ ତାଙ୍କୁ ହସ୍ପିଟାଲରୁ ମୁକ୍ତ କରାଯାଇଥିଲା । ଏହି ଘଟଣା ବିଷୟରେ ବର୍ଣ୍ଣନା କରି ସଲମାନ ମଜାରେ କହିଛନ୍ତି, “ମୁଁ ଯେତେବେଳେ ଆସିଲି,ଆମେ ସାପକୁ ଯିବାକୁ ଦେଇଥିଲୁ । ମୋ ଭଉଣୀ ସତରେ ଡରିଯାଇଥିଲା । ତେଣୁ ମୁଁ ତା ପାଇଁ ସାପ ସହ ଏକ ଫଟୋ ଉଠେଇଥିଲି । ସାପ ସହ ବନ୍ଧୁତା ହୋଇଗଲା ।“ ମୋ ବାପା ପଚାରିଲେ ଯେ କଣ ହେଲା ? ସାପଟି ଜିଅନ୍ତା ଅଛି ? ମୁଁ କହିଲି, “ଟାଇଗର୍ ବି ଜିଅନ୍ତା ଅଛି,ସାପ ବି ଜିଅନ୍ତା ଅଛି ।“
ସଲମାନ ଖାନ ଶେଷଥର ପାଇଁ ବଡ ପରଦାରେ ମହେଶ ମାଞ୍ଜେରେକରଙ୍କ ନିର୍ଦେଶିତ ‘ଅନ୍ତିମ‘ ଚଳଚ୍ଚିତ୍ରରେ ଦେଖାଦେଇଥିଲେ ।
The post ‘ଭାଇଜାନ୍’ ସଲମାନ ଚଳାଇଲେ ଅଟୋ ! first appeared on Sambad.from ମନୋରଞ୍ଜନ | Sambad https://ift.tt/3sIZzzi
0 Comments