ମୁମ୍ବାଇ: ଡିସେମ୍ବର ୨୪ ତାରିଖ ଦିନ ଓଟିଟି ପ୍ଲାଟଫର୍ମ ଡିସ୍ନି ପ୍ଲସ୍ ହଟଷ୍ଟାରରେ ରିଲିଜ୍ ହୋଇଥିବା ‘ଅତରଙ୍ଗି ରେ’ ଚଳଚ୍ଚିତ୍ର, ଡିସ୍ନି ପ୍ଲସ୍ ହଟଷ୍ଟାରର ସବୁଠାରୁ ଅଧିକ ଥର ଦେଖାଯାଇଥିବା ଚଳଚ୍ଚିତ୍ରର ମାନ୍ୟତା ପାଇଛି । ରିଲିଜ୍ ଦିନ ଡିସ୍ନି ପ୍ଲସ୍ ହଟଷ୍ଟାରରେ ‘ଅତରଙ୍ଗି ରେ’ ଚଳଚ୍ଚିତ୍ରକୁ ସବୁଠାରୁ ଅଧିକ ଥର ଦେଖାଯାଇଛି । ପ୍ରଥମ ଦିନରେ ‘ଅତରଙ୍ଗି ରେ’ ଚଳଚ୍ଚିତ୍ର ଯେଭଳି ସଫଳତା ହାସଲ କରିଛି ସେଭଳି ସଫଳତା ପୂର୍ବରୁ ଡିସ୍ନି ପ୍ଲସ୍ ହଟଷ୍ଟାରର କୌଣସି ଚଳଚ୍ଚିତ୍ର ହାସଲ କରି ନଥିଲା ।
ରିଲିଜ୍ ହେବା ପୂର୍ବରୁ ମଧ୍ୟ ‘ଅତରଙ୍ଗି ରେ’ ଭାରତୀୟ ଓଟଟି ଜଗତରେ ଏକ ବଡ ରେକର୍ଡ ସୃଷ୍ଟି କରିଥିଲା । ‘ଅତରଙ୍ଗି ରେ’ ଚଳଚ୍ଚିତ୍ରକୁ ଡିସ୍ନି ପ୍ଲସ୍ ହଟଷ୍ଟାର ୨୦୦ କୋଟି ଟଙ୍କାରେ କିଣିଥିଲା ଯାହା ଭାରତରେ କୌଣସି ବି ଓଟିଟି ପ୍ଲାଟଫର୍ମରେ କୌଣସି ବି ଚଳଚ୍ଚିତ୍ରକୁ ପାଇଁ ସର୍ବାଧିକ ଥିଲା । ‘ଅତରଙ୍ଗି ରେ’ ଚଳଚ୍ଚିତ୍ରକୁ ଡିସ୍ନି ପ୍ଲସ୍ ହଟଷ୍ଟାର ଏତେ ଅଧିକ ଟଙ୍କାରେ କିଣିଥିଲା ଯେ ରିଲିଜ୍ ପୂର୍ବରୁ ହିଁ ‘ଅତରଙ୍ଗି ରେ’ ସୁପର୍ ହିଟ୍ ଚଳଚ୍ଚିତ୍ରର ମାନ୍ୟତା ପାଇଥିଲା ।
ଅକ୍ଷୟ କୁମାର, ଧନୁଷ୍ ଓ ସାରା ଅଲି ଖାନ୍ ‘ଅତରଙ୍ଗି ରେ’ ଚଳଚ୍ଚିତ୍ରର ମୁଖ୍ୟ କଳାକାର ଅଟନ୍ତି । ଆନନ୍ଦ ଏଲ୍ ରାୟ ‘ଅତରଙ୍ଗି ରେ’ର ନିର୍ଦେଶକ ଅଟନ୍ତି । ‘ଅତରଙ୍ଗି ରେ’ ଚଳଚ୍ଚିତ୍ରଟିକୁ ଲେଖିଛନ୍ତି ହିମାଂଶୁ ଶର୍ମା । ଓସ୍କାର ପୁରସ୍କାର ବିଜେତା ଏ.ଆର୍, ରେହମାନ୍ ‘ଅତରଙ୍ଗି ରେ’ ଚଳଚ୍ଚିତ୍ର ପାଇଁ ସଂଗୀତ ନିର୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରଟିର ଅବଧି ୨ ଘଣ୍ଟା ୧୭ ମିନିଟ୍ ଅଟେ ।
from ମନୋରଞ୍ଜନ | Sambad https://ift.tt/3Jl7to5
0 Comments